可能唔少人都以為將資料Save上雲端就一定好穩陣唔會唔見，但其實都唔係100%安全，就好似較早前歐洲最大規模嘅雲端服務供應商OVHcloud，其法國資料中心就不幸發生火警，唔少數據都因此而被火燒掉。

據報今次OVHcloud火警，一度令大概360萬個銀行、電子商務網站、網上遊戲平台、新聞、通訊等網站平台癱瘓，相信搶修至少需要1個星期，而其中更有唔少資料亦被火燒掉因此而永久失去。

而目前經過了解後，最有機會引發今次火警嘅主因估計係當中嘅不斷電系統，而OVHcloud嘅創辦人亦承諾今後所有客戶將可以免費獲得備份服務，以確保未來唔會再有資料永久失失嘅情況出現。

所以話，以後當你備份資料上雲端都不妨預計一下其實都係會有失去嘅機會，咁你就要諗下仲可以點樣用其他方法去保存你嘅重要資料啦。