{ SKIP }
文:MenClub 艾力克  
POSTED ON 22 Mar 2021

大家覺得一間「好福利」嘅公司有咩條件,係有14個月糧、18日AL、定係有各式各樣嘅醫療福利?最近日本有一間公司,因為有「另類員工福利」而引起熱議,除咗偶像結婚可以請10日有薪「傷心假」,更資助員工睇偶像演唱會。

廣告及MV製作公司Hiroro社長鶴見至善本身就係一位追星族,就連公司名都用日本女團9nine成員村田寬奈嘅暱稱命名。可能因為深諳此道,佢最近推出新員工福利,只要員工頭號偶像宣布結婚或畢業,就可享有10日有薪「傷心假」,而且仲可以視乎傷心程度延長。就算第二或第三鍾意嘅偶像畢業,都可享有3日有薪假期。另外,如果員工要參加頭號偶像演唱會,除咗可以申請早退或請假,更會資助5000日圓。

見到社長鶴見至善Twitter封面嘅相,就知道佢都係一位追星族。(圖片截至:[email protected]

社長鶴見至善表示,上年佢同一位廣告人合作,對方係聲優水樹奈奈嘅粉絲,從東京大學畢業嘅佢,一直以嚟都係一個聰明又隨和嘅人。不過就喺水樹奈奈宣布要結婚嗰一日,對方非常沮喪根本無辦法開會,所以佢先有「傷心假」呢個諗法。不過都唔使咁羨慕住,社長鶴見至善表示現時公司只有三個員工,「傷心假」消息傳出後,就收到超過10份求職信,但現時並無打算請人,見到大家咁支持佢嘅做法覺得非常開心。

資料來源:ねとらぼ

作為一個貓奴,你去叫主子但主子明明聽到都唔應你,係一件非常合理嘅事。但主子唔理你,好有可能唔係因為聽唔明你講咩,而係根本就唔想理你。因為據日本一個研究發現,主子們好可能係知道同一屋簷下嘅其他貓叫咩名。 ...
hobby
【寵物】日本研究指出 貓其實聽得明其他貓叫咩名
20 May 2022
雖然話大家返工都係為份糧,但一個好嘅老細的確能夠令打工仔「獲得份糧嘅過程」好過得多,相信唔少打工仔心目中亦會有一個「理想老細」嘅形象。近日日本網民「とあるん@toarutoa」就於Twitter列出「原版《龍珠》嘅菲 ...
hobby
【職場】日網民指菲利係個好老細!獲14萬人讚好
20 May 2022