{ SKIP }
文:MenClub 艾力克  
POSTED ON 25 Mar 2021

一向被唔少人話佢係外星人嘅Elon Musk,最近就係Twitter Post咗兩張圖表,顯示相機解像度每年提升,但UFO嘅相永遠都係「矇查查」,認為呢個就係反對外星人存在嘅有力證據。不過Elon Musk之前又有講過覺得金字塔係外星人製造,咁次又唔認同外星人存在,唔通係想掩飾自己係外星人嘅身份?

如圖所示,相機解像度按年提升,但UFO相解像度不變,所以Elon Musk認為外星人係唔存在,個POST至今已經有超過45,000人Retweet,就連Twitter CEO Jack Dorsey都有like。

人工智能科學家Lex Fridman就留言「咁嘅Post似係外星人會出」,諷刺Elon Musk係外星人,出Post係幫自己掩飾身份、保護同類。

不過喺上年7月佢就曾經講過金字塔明顯係外星人建造嘅言論,當時更因為咁而掀起一場「金字塔建造者」討論。最後搞到埃及政府要出面闢謠,揚言邀請Elon Musk去埃及親自睇下金字塔同建造相關文獻。著名埃及考古學家Zahi Hawass就拍埋片駁斥Elon Musk嘅「外星人建造論」,仲叫Elon Musk讀多啲書先講嘢,唔好亂咁散播錯誤理論。



唔知係Elon Musk怕咗講外星人,定係佢性格「一時一樣」。佢上個月就曾喺PODCAST節目《The Joe Rogan Experience》表示,「據我所知,現時無直接證據證明外星人喺地球上出現過。」、「搵外星人喺晒時間。」、「如果外星人想人類知道佢哋存在,會走出大街上大叫『Hello!我係外星人。』」

或者永遠都無人知Elon Musk心底信唔信外星人存在,但佢開口埋口都話要登陸火星、殖民火星,對一般人嚟講已經係「外星人」行為。



資料來源:futurismbbc
經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025