疫情造就宅經濟興起，Sony業績不跌反升，預計2020年純利將突破100億美元，創下歷年新高。最近Sony就宣布，今年將會向員工發放7個月人工獎金，比起工會早前所爭取嘅6.9個月更高。

據日本共同社報導，喺今年「春鬪」（日本一種勞資雙方薪金協商活動），Sony勞工工會原本打算要求公司將年度獎金提升到6.9個月人工，可能Sony高層想好聽啲，直接將年度獎金提高到7個月人工，同時創下Sony有史以嚟最高年度獎金記錄。

據了解Sony喺今年2月公布嘅財報顯示，遊戲業務受惠於疫情影響，PS5從上年11月開賣至12月31日期間共賣出450萬部，預測遊戲及網路服務部門（Game & Network Services）最終將有250億美元收入，營業利潤為32億美元。除咗遊戲賺到盤滿缽滿外，鬼滅熱潮亦令音樂及動漫部門收入有所提升，比去年增加17.5%