小倉優子曾經係唔少人年少時嘅一代女神，不過佢於2011年結婚後嘅生活就唔算理想，首任丈夫因多次出軌，最後於2017年離婚，帶住兩個仔搵到第二任丈夫，結果去年大緊肚時又因為男方想佢完全退出演藝圈而再次離婚，結果今年37歲嘅佢就要獨力養大三個仔。而佢最新嘅動作，就係開設個人Youtube啦。

小倉優子於3月31日正式開設個人Youtube頻道「ゆうこりんチャンネル」，並上載咗與另一日本女星「ギャル曽根」一同拍攝嘅首支影片。影片中兩個人就係十分平常地坐喺鏡頭面前傾計，小倉優子嘅穿著亦非常密實，直白啲講就係成條片都冇咩睇頭。難怪開設咗一日都只係得千令個訂閱，條片都只係得二千令觀看，可謂相當慘淡。

不過話哂佢啲寫真當年都為慰藉過大家嘅心靈，如果睇返2011年最後一本寫真集《幸福論》嘅靚相，唔知會唔會令大家念念舊情支持下佢呢？