堵塞蘇伊士運河的嘅超級貨輪「長賜號」日前終於被「釋放」，令其水路交通終於回復正常。大佬咁樣比佢塞一塞，據報指每日閒閒地唔見數十億美金。

而呢一塞，「長賜號」旋即成為打卡對象，而打卡嘅更係世界唔同國家嘅太空望遠鏡。而除左被打卡之外，有人更大開「長賜號」玩笑，特別為佢製作左一個Web App (https://evergiven-everywhere.glitch.me/)，令用家可以隨意擺放呢部長達400米嘅超級貨輪於世界任何地方。

呢個Web App由地圖愛好者Garrett Dash Nelson製作，佢可以比大家隨意按原來比例或放大或縮小「長賜號」，然後任何移動佢至地球任何角落，亦即係你可以將佢放去維多利亞港，又或者放佢去禮賓府旁，比我地尊貴嘅特首欣賞都得。