{ SKIP }
文:MenClub 艾力克  
POSTED ON 01 Apr 2021

日本男神木村拓哉細女木村光希(Kōki),早前獲邀擔任意大利時尚品牌VALENTINO 2021春夏新裝代言人,卻因為宣傳照及影片出現疑似踩和服腰帶行為遭炮轟,其後VALENTINO緊急下架相關影片,並發聲明道歉表示塊布唔係和服腰帶,完全無褻瀆日本傳統文化意圖。

從宣傳照可以見到,木村光希坐咗喺鋪有和服腰帶嘅地石上,擺晒Pose咁影相,更著住高趾鞋踩上和服腰帶。

除咗「踐踩」和服腰帶之外,更有網友喺宣傳片發現木村光希著住鞋行入一間日本房屋,犯咗日本人大忌,又或者可能木村光希鬼妹仔性格,所以唔知或唔理呢啲基本嘢。大部分日本網友睇完都非常不滿,表示「令我覺得日本文化被踐踏」、「如果和服腰帶師傅睇到會激死」、「和服腰帶唔係坐墊或地毯」等等。

VALENTINO好快就將相關宣傳片下架,並發出道聲明並澄清個塊布唔係和服腰帶,令大家聯想到和服腰帶非常抱歉,同埋強調VALENTINO好尊重全球各地不同文化個啲官腔嘢啦。不過大部分日本網民就覺得呢個道歉聲明好無誠意,認為VALENTINO似乎用「布有相似」呢一點卸膊,表示「問題唔在於塊布係咪真係和服腰帶,而係有個人確實踐踏緊呢塊和服腰帶嘅布。更有網友留言從布料形狀、顏色、寬度等多方面質疑塊布除咗係和服腰帶之外就無其他可能性。

(圖片截自:ゲーム攻略wiki

官方表示輯相係從已故日本導演寺山修司嘅作品《草迷宮》獲得靈感,不過結果好明顯適得其反。有網民就發現,呢輯相係由定居日本嘅華裔女攝影師張馨怡(Fish Zhang)操刀,曾為小松菜奈等名模拍攝。

資料來源:はちま起稿ゲーム攻略wiki

Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025