而家通訊軟體何奇多，唔止單單用一個，近年比較多人試用的Signal 不斷精益求精，最新Signal beta 版本加入支援 MobileCoin 錢包以及加密貨幣 MOB 的支付功能 Signal Payments。Signal Payments 支援一個關注隱私、名為 MobileCoin 的支付網絡，旗下擁有加密貨幣 MOB，如果你或你朋友身在英國，咁就有機會搶先係英國通行測試。

未來用家使用 Signal Payments，可以將 MobileCoin 錢包鏈結Signal通訊軟體，透過簡單的手機介面可向親朋好友發送金額，同時亦可以調轉接收金額，當然可以隨時查詢交易紀錄追蹤餘額。咁可能你會話通訊軟體例如Wechat等的微訊支付有咩唔同，一早已經有類似的應用而且早已經成熟啦！其實大家都知道 Signal 相當注重隱私安全，即使加入支付功能其他人無法得知用家的交易紀錄以及餘額，因為其運用區塊鏈技術作為保護用戶身分及其付款細節。此外 Signal 官方透露，MOB 很快就可以係 FTX 以及其他交易所與加密貨幣進行轉換。

其實MobileCoin 與 Signal 共同創辦人暨CEO Moxie Marlinspike 有密切關係，佢作為 MobileCoin 提供技術指導，MobileCoin 則在兩輪融資中由 Future Ventures 與 General Catalyst 募得 1,135 萬美元的資金。如果有得選擇，你會唔會相信 Signal的支付應用功能係可以幫到生活同時又保障到用家？