近排網上廣傳一系列名媛徵男友廣告，條件唔單只要身高170cm以上、不吸煙、25歲以下，更要求有跳舞底子。無論薪酬真定假都好，某程度上反映咗有部份女士渴望有年輕男士陪伴嘅需求。

近日網上廣為流傳名媛徵男友廣告。

而最近新加坡有間裝修公司就睇準商機，推出猛男上門清潔服務，可以陪屋主之餘，同時幫手清潔屋企。等客人可以舒舒適適坐喺梳化做監工，欣賞各位猛男打大赤肋賣力打掃。消息傳出後反應熱烈，唔少人突然覺得屋企係時候要打掃一下。不過，有網友認為如果換成做「索女上門清潔服務」，肯定會比人鬧爆話物化女性，大嘆男女不平。

據《新明日報》報導，新加坡裝修公司「Vehs」於4月6日宣布推出當地首個猛男清潔服務，並表示「有咩好得過請一個性感男人幫忙打掃？」。根據一系列宣傳照片可以見到，多位身材精壯男士打大赤肋做家務，而女屋企就好舒適咁坐喺梳化，露出滿意笑容欣賞各位大隻佬。至於收費方面就按房型大小而有唔同價錢，每次收費由新加坡幣$420至$700不等（約$2,440-$4,060港幣）

據裝修公司老闆許畢維透露，宣傳照入面嘅大隻佬有學生同兼職人士，當初影相嗰陣都唔介意赤裸上身，強調佢哋公司非常專業及健康，唔想各位有所誤會，目前已經有10幾個人問價，而相入面其中4個大隻佬亦應承咗會上門清潔。唔知喺香港搞單類似生意又有冇得諗呢，不過應該「索女上門清潔服務」會有睇頭啲。

資料來源：新明日報、facebook@vehscom