日本大創百貨主打價格親民，貨種繁多，每次行入去都總能夠買到幾件心水產品。最近有位日媒編輯olymposgo就喺大創發現一款「臨時避難帳篷」，除咗可以喺緊急情況下作為求生工具，特殊設計令帳篷具有「單向玻璃」視覺效果，匿埋喺個帳入面就好似置身於魔鏡號內...

呢款「臨時避難帳篷」嘅正確用途，係畀人喺戶外遇到意外時使用，能夠快速搭建一個反光保暖、防水、防風嘅臨時避難所，同時銀色反光外觀更容易令搜救人員發現。

打開包裝可以見到有帳篷本體同兩條繩仲有8支營釘。

不過重點在於呢個營所用嘅物料同一般鋁質臨時避難帳篷唔同，大家能夠從營內清楚望到外面所有景象，相反外面又望唔到營內做緊咩，即時令人諗起魔鏡號設計。相信只要買多幾包，駁埋一齊就可以整一隻魔鏡號帳篷。