香港主要由煤、天然氣和核能發電，從來電力都唔缺乏。不過係再生能源的環保世代，供電九龍新界的中電控股有限公司（CLP Holdings Ltd.）開始尋求離岸風力發電的可行性。香港特首(唔係扮個位！)提出左2050 年零碳排放計畫，中電都回應想大搞係南面水域興建離岸風力發電場。目前正考慮採用新型風機的可能性，以切合香港海域的風速。如真係實行建設，未來沿海樓盤除左有海景外，仲有風車景！

香港人應該認知本港有兩大電力公司，其中中電為八成人口供應電力，範圍包括九龍、新界、大嶼山、坪洲、長洲及其他離島，現行發電主要來自煤、天然氣同核能以及部份來自中國的再生能源。2020 年中電係香港的發電比例為 48% 天然氣、36% 核電（中國大亞灣核電供應）、以及 15% 煤炭。 2020 年 11 月份香港有位發表《施政報告》的人，制定 左個2050 年零碳排計畫，並以《香港氣候行動藍圖 2030+》進行減碳大目標，設定 2030 年碳排放要比 2005 年減少 65%~70%，呢個目標要實現其實係需要大大改革現行的電力供應方式。

因此中電CEO藍凌志（Richard Lancaster）接受外媒訪問時提到考慮係本港東南水域興建離岸風電場，並考慮係 2023 年向政府提出下個五年發展計劃，因應「如今離岸風電的價格已經比十年前低得多。」過去中電 2010 年曾提議係香港東南興建離岸風力發電設備，但當時成本太高，根據彭博資料，當年離岸風電平均成本為每 MWh 134 美元，如今已經降到 89 美元。中電表示，目前也在考慮採用新型風機得可行性，將更適合香港海域的風速。據中電講法，未來香港係太陽能方面所佔比率唔會好高，核能、氫能和電池儲能系統將會係構思中未來用電關鍵，未來中電不排除係中國投資的可能性，如今也不斷積極拓展越南再生能源市場。

中電計劃興建的系統，發電量達一百五十兆瓦，是中電總發電量的0.7%。發電場共有三十至五十支風車，每支相距五百米，故風力發電場總面積可達十二萬平方米。今個月會進行環境評估研究位於二十七米深的海床會建造支柱延伸到水面的風力測度儀器。一但測試數據顯示風力足夠，以及通過政府各項審核，就會馬上施工。中電正研究係喜靈洲或滘西洲，選擇其中一處建陸上風力發電站，進行陸上風力發電試驗，但只有一支風車，發電量八百千瓦，可供四百二十戶使用。總之中短期而言，風能將會係香港電力公司發展的重點嘗試，風車好有可能大量建設，我知你睇咁耐最關心，咁係咪會加「電費」！！？？