無論男定女都會有個人興趣，有啲收藏品更係用咗好多年左撲右撲先搵到。最近日本有位人妻為報復丈夫出軌，將佢所有《遊戲王》珍藏拍賣。對於《遊戲王》愛好者嚟講，呢種報復方式分分鐘勝過所有語言上嘅辱罵。

最近日本網友發現Yahoo拍賣入面有人出售大量《遊戲王》未開封卡盒及卡包，由於全部都係接近絕跡嘅初期（Vol.1）卡牌，好奇驅使下就按入睇貨品簡介。得知原來係有位人妻報復丈夫出軌，所以決定將佢所有珍藏拍賣，並表示自己係外行人唔知行情係咩。

個堆珍藏於4月10號以1日圓開始起標，目前已經炒到上8,001,000日元（約$56.7萬港幣），嗰拍賣得返4日就結束。唔知到時呢位人夫會有幾後悔自己出軌呢？雖然出軌就點都唔啱㗎啦，除咗傷害對方感情，更可能搞散頭家，但大家又覺得咁做有冇問題呢？