介紹返一個兩代同堂齊齊玩的玩具，屬於當下最流行的STEM 編程玩具機械人，外型同名氣非常夠照，係《變形金剛》柯柏文，孩之寶今次識玩出一個非一般膠制玩具，作為一架識變身又係貨車又係機械人的變形金剛，新一代的編程玩法你可以用語音或手機控制創造指令引導柯柏文完成任務，成個柯柏文變身直立有50cm高，變身貨車可當埋遙控車玩。內建25種語音指令，識滾動做掌上壓、攻擊甚至隨你指令。機身由五千多個零件組成，共有60個微晶片搭配27個電機馬達系統共同運作，定價700美金但網上發售已經被預訂一空，如果下一水再返貨，我深信你都會搶埋一份！

1984年出品的《變形金剛》係好多爸爸的集體回憶，自從2007年的電影上映後，好多男士睇戲爆機最鐘意《變形金剛》，玩具當然都係由細玩到大。如今新世代最新《變形金剛》柯柏文結合全新新一代的編程玩具，讓大人小朋友係玩玩具的過程中同時體驗基本編程概念。除左手動之外，柯柏文可以透過語音進行控制，包含變形、行路，各種活動指令。話明新世代當然支援iOS或者Android系統用手機提供APP操作。玩具仲帶有戰斧等配件，真係幾好玩。而家小朋友可以通過語音或應用程式以卡車模式加速前進，亦可通過語音或移動應用指令機械人或卡車模式無縫變型操控~現在推出的版本屬於限量珍藏版，價格高達700美元訂價，不過好快一推出就被一掃光，目前官網係售完狀態，相信大家睇完介紹片最想知幾時再有返貨，我都覺得相當吸引，絕對係《變形金剛》家庭必入之選！