多人線上競技遊戲《League of Legends》推出至今將近12個年頭，憑住刺激獨特玩法一直深受全球玩家歡迎。最近遊戲開發商Riot Games宣布，正籌備建立一個「League of Legends 電影宇宙」，公開招募真人版電影及影集人材。

Riot Games於官網上列出「真人版劇集全球負責人」以及「真人版電影全球負責人」兩個職位空缺，希望能以新方式將《League of Legends》呢個IP帶畀全球玩家，並吸引新觀眾。兩個職位要求都相當高，應徵者除咗要有8年以上娛樂行業工作經驗，同時亦要有深厚人際關係，認識導演、編劇、製片人及演員等多位藝術從業員。

近年Riot Games積極拓展新領域，除咗繼續著手遊戲開發新英雄及新玩法之外，早幾年就以遊戲內四位女性角色組成女團「K/DA」，並同K-pop女團(G)I-DLE合作製作MV，為玩家們帶嚟全新體驗。唔知如果拍真人版電影，Riot Games又會搵咩演員呢？真人版犽宿應該會好型！

資料來源：IGN、riotgames