最近日本電單車頭盔品牌WINS同殿堂級動漫《新世紀福音戰士》合作，推出以零號機、初號機、二號機為設計靈感嘅三款頭盔，為電單車手提供足夠保護得嚟又型仔。唔知戴完係咪會有機會暴走呢？

WINS今次將旗下全罩式越野電單車頭盔「X-ROAD FREE RIDE」換上EVA機體風格，並印上NERV LOGO，採用雙層遮陽板設計，除咗頭盔頂凸出嘅遮陽板可以擋陽光，內部亦有一塊可更換遮陽板，令車手即使喺陽光猛烈情況下仍能夠睇清楚路面，兼具型格及性能。

每款各有M/L/XL三個尺寸，定價為32,780日元（約$2340港幣），預期2021年10月限量發售，現已開放預訂，有興趣嘅朋友可以到官網了解更多

資料來源：WINS