近年中國針對影視娛樂產業實施多項審查政策，唔少遊戲為咗避免惹起「麻煩」都會作出唔同程度嘅「和諧」。最近《League Of Legends》中國測試服更新11.10版本，除咗常規嘅平衡英雄能力數值，另外有7位英雄稱號無故改名。當中就包括充滿爭議嘅「瘟疫之源」圖奇，被改成為「瘴地怪鼠」，而「時間刺客」艾克就改為「時間奇才」。

七名英雄稱號「和諧」名單如下：

圖奇：瘟疫之源 → 瘴地怪鼠

艾克：時間刺客 → 時間奇才

布蘭德：復仇焰魂 → 灼心焰魂

葛雷夫：法外狂徒 → 槍火狂徒

達瑞文：榮耀行刑官 → 榮耀刑裁官

卡力斯：虛空掠奪者 → 虛空掠食者

雷尼克頓：荒漠屠夫 → 荒漠狂沙

（圖片截自：微博）

中國網友們就大呻改名「無謂」，表示如果呢啲詞語唔畀得人睇，應該直接從根源解決，喺字典入面永久刪除。有人就諷刺咁話歷史故事《荊軻刺秦王》都應該要改成「秦王繞柱走，嘴裡大喊著 ：抓奇才！抓奇才！」

「T1」上路選手Canna亮出英雄圖奇。