男人總係對工具有所著迷，尤其係刀，唔係講緊菜刀或剃鬚刀，而係一把出遊嗰陣用嚟旁身嘅萬用刀。而提到萬用刀，自不然就會諗起Victorinox瑞士刀，最近佢哋就推出咗把加大碼軍刀「Swiss Champ XXL」，總共有61種工具、73種功能，簡直就係萬用刀界嘅「攞你命3000」。

根據官方數據，把刀高63.3mm、長91mm、重量為353g，係室內及戶外活動嘅好拍檔。無論係屋企扭下螺絲、剪指甲、剝電線皮，定抑或係戶外探討露營都可以滿足各項需要。不過功能多同時亦帶嚟體積及重量問題，唔似得經典款咁輕巧，呢方面就要作出取捨。