Microsoft創辦人Bill Gates與妻子Melinda Gates離婚一事震撼全球，除咗「分身家」一事成為眾人焦點，外界亦不斷猜測兩人分開真正原因。當大家仲討論緊會點「分身家」嗰陣，外媒《Fox Business》就突然出咗一篇有關Bill Gates翻譯員嘅報導，似乎暗示離婚同呢位中國女子有關。當事人好快就走出嚟回應「本來覺得空穴來風會不攻自破，沒想到越傳越瘋」，強調事情與佢無關。

據了解，Bill Gates翻譯員王喆今年36歲，係一名廣州人，後來移民去美國，畢業於有「翻譯界哈佛」之稱嘅蒙特雷翻譯學院（MIIS）。從2015年起喺「Bill & Melinda Gates Foundation（比爾&梅琳達蓋茨基金會）」擔任翻譯，精通中文、英文、西班牙語、日語、德語、法語6種語言，擁有9年同聲傳譯經驗，另外仲會教人彈鋼琴同中國舞，可以稱得上多才多藝。

王喆於微博澄清傳聞。（圖片截自：微博@同傳王喆）

隨著事情不停發酵，當事人王喆於5月5日喺微博表示，原本以為呢啲空穴來風嘅消息會不攻自破，但無諗到會越傳越癲。令佢好地地嘅五一連假冇咗，叫人唔好晒時間喺毫無根據嘅謠言上，否認一切「二奶」傳聞。

資料來源：Fox Business、微博@同傳王喆