由於日文讀音「5」、「9」與「悟空」讀音相似，所以每年5月9日就被訂為「悟空日」 (順帶一提，按漫畫原作，5月9日都係笛子大魔王及笛子魔童嘅日生)。而東映及鳥山明老師就於剛過去嘅「悟空日」宣佈，新嘅《龍珠超》劇場版會於2022年上映。

據《龍珠》官網上面嘅公告，鳥山明老師指出新劇場版都係由佢領導故事創作，又且提到新作會有「驚喜嘅角色登場」，但除此之外就冇提供更多情報。《龍珠超》對上一部劇場版係2018年12月於日本上映嘅《龍珠超 布洛尼》，全球票房為1.2億美金。

資料來源：Dragon-ball-official