《超人系列》推出至今近55年，陪伴多代人童年成長，同時深深影響著流行文化。儘管全球遍佈唔少「超人（Ultraman）」粉絲，但《超人》就從未有過類似哥斯拉或寵物小精靈等大型Crossover製作。有見及此，Netflix今日宣布將聯同圓谷製作一部《超人》CG動畫電影，希望將呢位日本殿堂級超級英雄走向世界。

導演Shannon Tindle表示自己細細個已經係「超人」粉絲。

據外媒Variety報導，呢部電影將會保留真人演出，並用上CG動畫技術，由《Kubo and the Two Strings（捉妖敢死隊）》編劇Shannon Tindle執導。雖然暫時未知有邊個演員會出演，但預計將會結合日本及西方多位明星。

故事講述身為棒球明星嘅主角佐藤健（サトウ・ケン），同時係一位守護地球嘅「超人」。為履行「超人」重任而返翻日本，點知返到日本無耐，就被委託要撫養宿敵後代，一隻怪獸BB。令佢係防衛軍同怪獸爸爸兩個角色之間不斷掙扎，最終搵到作為「超人」嘅真正意義。

資料來源：Variety