中國真係千奇百趣，早幾年高價購買香港地區英超播映權的樂視經歷債務危機後， 創辦人賈躍亭逃亡海外，公司被深圳證券交易所勒令退市。點知近日居然捲土重來重新舉行發布會公佈全新電視機LETV M65，此外樂視仲話會推出全新超級手機並表明要重返手機市場。 最弔詭有趣嘅係樂視新的「智能生態發布會」明明寫住「我回來了！」幾個大字，更加配上疑似賈躍亭招手的剪影圖，不過樂視公司方面居然否認公司活動同賈躍亭有任何關系，對欠債累累嘅賈躍亭進行割席。

如果大家有印象，樂視曾經一度非常輝煌，只係後來皇朝經濟爆破，樂視賈躍亭被凍結 117 億港元資產，更有全被債主追債追到去美國。 剛剛喺5月18號六是忽然「吹雞」舉行發布會推出全新電視機， 公司長表示好快會推出全新超級手機計劃，表明一定會重返手機市場，不過就未有透露具體規格細節，亦未有公佈相關推出時間表。至於新款電視 M65，售價人民幣 6999 元利用mini LED 面板設計。此外樂視似乎亦都會效法小米公司推出不同的產品，一次過哂冷公佈左60幾件新產品當中包含智能牙刷、智能門鎖、行動電源、廚房家電等各種物聯網家電裝置。暫時全城冇人能夠看透嘅係到底點解樂視公司一而再否認與賈躍亭有關連，但又要用佢個剪影欲蓋彌彰做宣傳。真係完全摸不著頭腦.......