疫情之下美國的麥當勞長期請唔到人，因為無得Work From Home，即使麥記之前已經加左10%人工，每小時11美元至17美元人工都請唔夠人，為左解決呢個問題，麥記人力資源部絞盡腦汁，最近係門口招聘啟事中加列一行細字寫住「做滿六個月以上可以得到免費iphone！」呢個奇招一出馬上成功引起關注，不過官方無講明有咩野iphone，如果係最平的iPhone SE（2020）或 iPhone 8，唔知大家會唔會肯投身麥記半年。

疫情開始之後，世界好多野都改變左，包括工作模式同人的想法，原來做麥記對好多美國人而言係一份高風險低趣味的工作，加上疫情下有美國社會福利補貼金，於是有人無做工但有工無人做，好多傳統企業如麥記一樣不但流失原有的客源，同時失去好多人力資源，變革就係時代的動力，於是就變出「做滿六個月以上可以得到免費iphone！」呢個噱頭 。

LMFAO G MCDONALDS IS STARVING pic.twitter.com/OJt4cjeTVn

— Bragard (@brogawd_) May 23, 2021

暫時可能未有人真正做滿六個月，冇人知道到底六個月之後可以攞到乜嘢型號嘅iphone！ 網上睇到呢份招聘啟示好多人第一時間都問乜嘢型號？咩規格？廣告成功引發好多人嘅目光同討論。 宣傳上係一次非常成功嘅展示。六個月之後全世界都可能會望住美國麥當勞， 等住睇員工出iphone有圖有真相！