近日SEGA於《超音鼠》30周年紀念直播節目，宣布推出2010年Wii遊戲《超音鼠 繽紛色彩》重製版，大改視覺效果並加入全新遊戲模式「Rival Rush」，預計9月7日於Switch、PS4、Xbox One以及PC多個平台同時步上架。

2010年喺NDS及Wii平台推出嘅《超音鼠 繽紛色彩》，玩家扮演超音鼠對付大反派蛋頭博士，遊戲過程中可用3D第三人稱視角或經典2D橫向捲軸模式遊玩，當年憑著出色遊戲表現及視覺效果獲得唔少正面評價。事隔將近11年，SEGA搵嚟《Mass Effect Legendary Edition（質量效應 傳奇版）》開發商Blind Squirrel Game製作重製版，重新登陸多個家用主機平台。

另外，SEGA喺直播節目尾聲播出一段冇任何標題嘅動畫，只見到超音鼠SONIC係森林入面跑，最後出現一個神秘符號並寫著2022。似乎透露SEGA將會喺2022年推出《超音鼠》系列全新作品，我會繼續幫大家留意著最新消息！

《超音鼠 繽紛色彩》重製版售價為39.99美元（一般版）/49.99美元（數位豪華版）。

資料來源：SEGA