最近日本人氣漫畫《咒術迴戰》公開最新一話，由於入面有幾頁畫得非常潦草，似乎用草稿就直接上刊，隨即令人諗起《H×H》都有過類似情況。有網友就搞笑咁話「《H×H》連載再開！」、「致敬《H×H》？」，「連載再開」呢四個字更一度成為日本Twitter熱門標籤，唔知情嘅朋友誤以為古拿比加終於要落船，《H×H》真係連載再開。

《咒術迴戰》最新話其中一頁。（圖片截自：Twitter）

其實每當漫畫家身體不適或有突發事故，都會以草稿形式直接上刊，之後出單行本嗰陣再執過，所以比起最新劇情，唔少讀者更關心作者芥見下下嘅身體狀況。

「連載再開」及「HUNTER×HUNTER」一度成為日本Twitter熱門標籤。（圖片截自：Twitter）

《咒術迴戰》最新話令網友憶起《HxH》嘅潦草畫風。（圖片截自：Twitter）

人氣漫畫《咒術迴戰》出自日本漫畫家芥見下下手筆，從2018年於《週刊少年Jump》開始連載，上年改編成電視動畫後，不論日本當地抑或係華語世界都大受歡迎。漫畫單行本累積銷量已經突破5,000萬本，成為「Oricon 排行榜」2021上半年漫畫銷量第二位，緊貼《鬼滅之刃》。

（圖片截自：Oricon）