即將舉行嘅歐洲國家盃荷蘭對烏克蘭6 月 13 日開波，全城關注熱點落入烏克蘭最新波衫，今屆烏克蘭波衫非常特別，衫上暗花印有地圖，地圖邊界包括克里米亞，以及遭到分離主義控制頓涅茨克（Donetsk）及盧甘斯克（Lugansk）地區。除左地圖烏克蘭波衫背後同領後仲印上「願榮光歸烏克蘭！榮光歸於英雄！」的字眼。波衫由舒夫真高推出公開展示，由於領土問題涉及2014年吞併克里米亞的俄國，俄羅斯強烈不滿並向足協作出投訴指烏克蘭係波衫中牽涉政治，有政治動機係違反足協球衣基本原則。不過國際足協就推個波畀歐洲足協，歐洲足協就話無問題！話時話，邊度有得買烏克蘭國家隊波衫？

俄羅斯已經正式就烏克蘭男子足球隊 2020 年歐洲國家杯比賽用波衫向歐洲足協作出嚴正投訴同交涉，指其帶有「政治性」。“我們提請注意烏克蘭國家隊球衣上充滿政治動機，這違反了歐足聯球衣規定的基本原則。”而另一方面，烏克蘭總統(Volodymyr Zelenskyy) 週二就出面公開支持國家隊新球衣，稱其中包含“重要意義”。佢指出“烏克蘭國家隊的新球衣確實與眾不同，”“這可能令人震驚。它具有幾個將烏克蘭人團結在一起的重要標誌。”

關於波衫上的國土地圖圖案，當中包括左克里米亞。而克里米亞係 2014 年被俄羅斯吞併，烏克蘭認為此舉係非法，克里米亞與親俄羅斯分離主義者至今依然一路控制住東部領土頓涅茨克（Donetsk）及盧甘斯克（Lugansk）地區。但以上相關所有領土係烏克蘭新波衫暗花地圖上全部顯示！除左地圖，球衣上仲印有「願榮光歸烏克蘭！榮光歸於英雄！」的字句。相關口號自第一次世界大戰期間首次係烏克蘭使用，作為反對蘇聯統治的政治口號。烏克蘭足協主席係 Facebook 上出文指出，新設計將“給予球員力量，因為佢地將為烏克蘭而戰”。當然站立係俄羅斯的立場自然戰狼的大佬上身，俄羅斯外交部對公佈的新波衫設計進行反擊，表示烏克蘭要負全責，球衣製造左“不可能的錯覺”，相當於“國家宣​​傳”。

講返下兩隊球隊，烏克蘭同俄羅斯都獲得左 24 支參加 2020 年歐洲國家杯的決賽週參賽資格，但自 2014 年以來的歐洲足聯都一直利用規則阻止兩隊小組賽被抽埋同一組。俄羅斯將會係聖彼得堡舉辦 7 場 2020 年歐洲國家杯比賽，不過當中烏克蘭將無一涉及其中。講起波衫對上一個著名有暗花而與別不同嘅球衣最有印象可能要數到1998年世界盃墨西哥球衣以及2014年世界杯日本國家隊的旭日旗暗花。當時日本旭日旗暗花波衫就曾經引發韓國抗議！當然有政治口號的波衫絕對係絕無僅有！「願榮光歸烏克蘭！榮光歸於英雄！」