{ SKIP }
文:MenClub 艾力克  
POSTED ON 18 Jun 2021

近日《鋼之鍊金術師》作者荒川弘將舊作《RAIDEN-18》連載內容輯錄成全新單行本發售,但中國網民最關心就唔係漫畫劇情,而係挖出10年前出版嘅「第三話」惡搞毛澤東一幕翻舊帳,炮轟荒川弘辱華。面對輿論壓力,荒川弘唔單只冇道歉,更企硬表示當年「那個國家」太多《鋼鍊》盜版,正版幾乎賣唔出,所以先用呢種方法打算擊退盜版。中國網民聽到當然更加扯火,繼續喺微博聲討作者,唔知單嘢可以點收科呢?

(圖片截自:微博

《RAIDEN-18》自2005年起喺漫畫雜誌《月刊Sunday Gene-X》不定期連戴,16年嚟只有4話,故事講述一位鍾意改造屍體嘅瘋狂科學家立花博士,用收集返嚟嘅屍體製作出人造人「RAIDEN-18」,由於兩人性格差異太大而搞出唔少笑料。本身套漫畫都無咩嘢嘅,只係一套普通搞笑短篇漫畫,但就因為作者喺2011年出版嘅「第三話」將毛澤東畫成殭屍,並佢頭上貼上「敕令廁所在哪裡呢?」符咒,而且隻殭屍仲會不停叫喊「大躍進!大躍進!」,所以觸動到中國網民神經,認為荒川弘惡搞前領導人並諷刺中國廁所少,繼而炮轟佢辱華。

微博網民繼續聲討荒川弘。(圖片截自:微博

面對輿論壓力,荒川弘近日喺《月刊Sunday Gene-X》訪問表示,由於當年畫緊第三話嗰陣,眼見「那個國家」有好多《鋼鍊》盜版,正版幾乎賣唔出,令佢非常困擾,所以先畫一啲唔會喺「那個國家」出現到嘅漫畫,打算嚇走盜版。中國網民聽完當然更扯火,紛紛表示「噁心」、「失望」。有人就認為盜版問題係事實,作者辱華都係事實,一單還一單,辱華就係辱華。唔知件事最後可以點收科呢?

資料來源:微博
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025