又到一年一度嘅父親節，你又諗好點樣同佢慶祝未? 爸爸咁辛苦為頭家，一年到黑都想比最好嘅嘢你，今年就帶佢好好咁慶祝一下啦。

位於灣仔嘅星街小區，可能岩晒你同爸爸黎一個輕鬆嘅一日遊行程，送一個又Chill又型嘅週日父親節比佢啦。

如果你爸爸係較傳統嘅港式爸爸，不妨帶佢試下德如茶餐廳嘅Lunch，比佢嘆番杯靚奶茶。

你又可以同佢去Glazden玻璃工作室，同佢一齊製作可以永久保存嘅紀念品，同爸爸留個美好回憶。

較為有藝術氣質或唔怕悶嘅爸爸，你可以帶佢去睇下Woaw Gallery，欣賞一下香港其中一間最酷嘅畫廊，介紹下當代藝術比佢識。當然仲有好多時尚物品等你帶佢去搵，好似SARTO LAB、O.N.S、Bookazine等嘅店舖，一定比到驚喜你地。

行到攰，不妨坐低飲杯野又或食晚飯，好似Slim’s就有超過70款啤酒比你慢慢揀，Morty’s就有父親節限定週末烤肉，並提供無限量炸薯條及專為爸爸準備嘅免費飲品！

最後嘅最後，祝各位父親有個美好嘅父親節！