日本東京奧運進入最後倒數，疫情嚴重之下日本政府依然決定繼續進行，只可以講呢一屆奧運真係搞又死唔搞又死，無辦法。而日前日本警方就為奧運會進行各種演練，其中就包括「暴徒鎮壓」呢個環節，情節相信香港人一定好熟悉。

日本警方「暴徒鎮壓」環節入面，有一班由警方扮演嘅白衣人，拎住各種長條型物品隨處破壞，包括攻擊駛過嘅車輛，當中唔知係咪班白衣人太過投入，定還是好有經驗，架車真係差唔多被打爆。不過話時話，我就見唔到白衣人手持攻擊性武器嘅，亦都唔會令我驚囉。

最後日本嘅警方好快唔使39分鐘就即刻出現現場，將班白衣人驅散同拘捕，訓練有素果然唔同啲嘅，咁就成功阻止罪案發生及威脅到市民啦。

暴徒役の警察官、めっちゃ楽しんでるやん笑 pic.twitter.com/z9wJNs3Rj4

— 航太 (@yana_kottta) June 22, 2021