蘋果新產品消息提前洩漏已是常識吧！基本上唔會有蘋果迷係產品發佈會發現新大陸。不過蘋果為左嚴防打擊再有新產品發佈前被洩密原來已經博盡全力。內部近期除左查左一次網絡爆料者黑名單發出存證信函保留所有追溯權利，近日更有知名 Twitter 爆料帳號 Jon Prosser 的 Front Page Tech 網站「爆料」指出蘋果嚴防內鬼，鬼影重重下要求個別研發團隊重點員工必須帶上警察級別的隨身攝錄機記錄生活，絕不容許再有任何產品資料外洩。私隱？你簽左合約收足人工，可以選擇「私忍」或者辭職保私隱，不過一起開發蘋果新產品係團隊榮耀，遏止爆料文化係蘋果最新的重點，據爆料者形容！

日前有外國媒體報導指出，蘋果（Apple）為左嚴防新產品發佈會前再被洩密，近期查左一輪網路爆料者名單，並發出寄存證信函保留追究權利。不過蘋果對內部整頓重點嚴防打擊內鬼的決心不止於此。根據知名 Twitter 爆料帳號 Jon Prosser 的 Front Page Tech 網站指出，蘋果嚴防內鬼出沒，因此要求特定員工身上必須配戴警察等級隨身攝錄機。每年的蘋果發佈會前夕，一定有好多傳聞爆料流出，好多人會被為一定係蘋果同意配合新產品宣傳而流出消息。不過原來蘋果內部真心好認真想打擊爆料文化。唔想再有提前洩密！

針對內部員工蘋果採取非一般做法，就係要求特定員工裝警察等級隨身攝影機；不過當然並非所有員工，而只係特定研發團隊員工先需要重點保護提防。當然蘋果作為一間美國公司，一向「隱私至上」，點解又可以去侵犯員工私隱？看來蘋果真係行到好盡決心保障唔再有人洩漏風聲。 已經唔係第一次要求員工配戴隨身攝錄機。早於2018 ，《彭博社》就曾報導，蘋果為左阻止員工洩密，發放備忘錄警告員工，不得再洩漏未來產品計畫任何消息予外部人士。備忘錄同時指出，2017 年已捉到 29 名內部洩密者，有 12 人被逮補。當時蘋果指出，洩密者不單止會失去工作，未來更可能好難係其他地方搵到工作。不過呢呢份警告員工「禁止再洩密」的備忘錄都係爆料者流出，所以話蘋果內部真係一個深層沼澤，要清理內鬼，可能除左CEO外，個個都係鬼！

一個完全無流出消息，全新驚喜的蘋果發佈會？你有想像過？我唯一認為就算爆哂料都係無驚喜，而驚喜唔係因為提早知道，而係產品本身真係無咩新驚喜！