如果唔係跟開呢單新聞嘅朋友，單睇「Supreme Italia」呢個名，你可能會以為係潮牌Supreme於意大利嘅分支，但事實卻並唔係咁，因為Supreme Italia其實係完全嘅老翻品牌。

由於Supreme一直奉行飢餓行銷嘅方法，同時亦唔會公佈太多新聞，處係非常低調嘅品牌，而正因為其品牌產品於市場上屬稀有嘅存在，故令其產品成為熱炒對象。不過正因為咁，比到機會英國控股公司 International Brand Firm Ltd. (IBF) 進行全球老翻行動。

由於正牌Supreme並未於全球好多地方開設分店，故令IBF成功於聖馬利諾、意大利、印尼、新加坡、西班牙等地直接註冊Supreme商標，又喺歐洲及中國唔同地區開設老翻店大模私樣賣貨，甚至更差啲就成功令Samsung以為Supreme Italia就係等於Supreme而推出Crossover產品，但幸得正牌Supreme出黎澄清，合作才取消。

而正牌Supreme於2019年正式控告IBF公司侵權，經過兩年時間，倫敦法院終於裁定IBF持有人Michele Di Pierro 及其兒子 Marcello罪名成立，需分別入獄8年及3年，同時需支付1040萬美元罰款，但二人並未出現於法院中，所以已被當地政府通緝。

對於判決，Michele Di Pierro並唔同意，並認為係一次對其公司嘅嚴重攻擊，唔會承認判決咁話。