Netflix 宣佈，著名馬來西亞動作女星楊紫瓊將會加入《The Witcher》前傳《Blood Origin》，飾演一位名為Scian嘅劍精靈。

Michelle Yeoh is joining the cast of THE WITCHER: BLOOD ORIGIN as the sword-elf Scian, whose deadly quest to retrieve a stolen sacred sword will lead her on a journey that will change the outcome of the Continent. pic.twitter.com/YzTo3yvTic

— Netflix Geeked (@NetflixGeeked) July 6, 2021

《The Witcher: Blood Origin》同樣改編自波蘭作家 Andrzej Sapkowski嘅小說，故事發生於大家熟悉嘅《The Witcher》故事嘅1200年前，主要講述《The Witcher》世界重大事件、令人類同怪獸世界合二為一嘅「天球交會 (Conjunction of the Spheres)》嘅發生。而楊紫瓊嘅角色Scian就係一名善於用劍嘅精靈，相信應該會與愛爾蘭演員Laurence O’Fuarian飾演嘅Fjall一同冒險。

Marvel《上氣與十環幫傳奇》預告截圖

楊紫瓊近年非常活躍於科幻、魔幻類型作品，包括2017年嘅《Star Trek: Discovery》、改編自同名美國奇幻童話嘅《The School for Good and Evil》等，另外2019年時亦宣布佢會參演James Cameron執導嘅《Avatar》續作。另外佢亦有參演Marvel嘅《上氣與十環幫傳奇》。

資料來源：Netflix