雖然喺香港冇咩人玩TikTok（抖音海外版），但喺美國就深受年輕人歡迎，人氣同Instagram不相伯仲，其中有過半數用家更係年齡少於24歲嘅Z世代。近日TikTok就喺美國推出「TikTok Resumes」先導計劃幫人搵工，應徵者只要到特定網頁搵到啱心水嘅工，就可以透過TikTok製作「影音履歷」申請。若然今次計劃效果良好，TikTok可能會成為Z世代之間嘅「LinkedIn」，除咗平時用嚟拍片分享日常生活，仲可以幫手搵工。

據了解，目前已經有A&F、Chipotle、Shopify、Target、Alo Yoga等多間大企業參與該計劃，大部份職缺都係同面對群眾或內容創作有關。對於呢類型嘅職位，「影音履歷」或者會比起文字履歷更有助求職者成功搵工，同時企業又更加方便篩選合適人選，唔怕約晒時間Interview先發現求職者啱做對人嘅工作。

（圖片截自：statista）

考慮到現時主流求職平台LinkedIn嘅用戶年齡分怖，主要用戶都係25-34歲嘅人，而18-24歲嘅Z世代只係佔整體嘅19.3%，所以今次TikTok推出求職功能，或者會搶佔埋Linkedln年輕用戶市場，成為Z世版嘅「LinkedIn」。

資料來源：businessinsider