雖然就到暑假，不過未成年人係中國打機依然係罪大惡極，為左防止年青人冒用成年人身分半夜打遊戲，騰訊正式推出臉部辨識系統「零點巡航」，並於 7 月 5 日正式上線，禁止 18 歲以下青少年係晚上 10 點到早上 8 點之間玩遊戲。零點巡航主要對晚上遊戲超過一定時長、帳號為成年人之玩家進行人臉審查，凡係拒絕或未通過人臉驗證玩家，將一律被視為未成年，納入騰訊系統中的防沉迷監管並且踢走下線。

中國使用人臉辨識技術已經好成熟，因為中國已經係機場、地鐵和住係新疆西部的穆斯林試用過相關技術。目前，零點巡航已經係騰訊 60 幾個遊戲中實施，包括《王者榮耀》、《和平精英》等，未來將逐步覆蓋更多遊戲產品。此外，針對騰訊遊戲的成長守護平台，騰訊認為，孩子可能盜用家長手機、修改守護方案，所以其中新增左「守護鎖」功能。當家長開啟守護鎖後，每一次的設定和修改守護方案，都需要事先進行人臉辨識驗證，確認使用者為家長本人。

當然有一部份唔了解中國的外國人擔憂臉部辨識可能涉及中國的隱私權問題。但你又唔係中國人，中國人的事你又會懂得幾多呢？中國自2017 年起已要求網絡業界、服務供應商的用戶註冊必須採用實名制，中國大陸貼心式家長管治係為人民福址同最佳行政管治示範。只要唔好推到落香港，所有禁止內地人打機的事，我都支持！！非常感恩，如果可以禁止埋中國玩家打機用外掛誰用誰禁網就更好！