{ SKIP }
文:MenClub 摯樂  圖:互聯網
POSTED ON 14 Jul 2021
【又一年過去】FIFA 22閹割PC版唔採用最新HyperMotion 技術引玩家不滿

宣傳係要有策略,如果EA話全部今年新出版本FIFA 22都使用全新HyperMotion 技術利用最先進動作捕捉同AI人工智能學習徹底改革遊戲的動畫系統,邊度有人理會。反而而家確認新出的PC版FIFA 22零零舍舍唔會使用新世代HyperMotion 技術,只限次世代遊戲機(PS5和Xbox Series X /S)及Google Stadia上可用,即時有人跳出來抗議反對閹割PC電腦遊戲,其實FIFA遊戲風評一代差過一代,就算HyperMotion再強都解決唔到為人詬病FIFA Ultimate Team 的付費課金性質,以及乏善足陳嘅職業模式玩法。因此實際上 FIFA 22未出就被評為最急需要改革創新的遊戲大作。

近日EA 確認即將推出的PC 版FIFA 22將唔會採用EA遊戲巨頭全新HyperMotion 技術,該技術使用先進的動作捕捉和智能學習以徹底改革遊戲的動畫系統。EA已經確認HyperMotion 技術將僅會係次世代遊戲機(PS5和Xbox Series X /S)和Google Stadia上使用。至於點解要咁做,EA就用心良苦想話希望保持較低的電腦硬件規格,以便電腦版FIFA 22可以“敞開大門”,更加包容無錢買唔起遊戲機或電腦裝配 入門級設備的PC玩家可以運作到遊戲。當然呢種無法選擇的做法必然激怒好多 PC 遊戲玩家,部份玩家係Reddit和 Twitter 上發洩不滿。

簡單講講HyperMotion 技術係 FIFA 22 今年最大的亮點,因為佢利用智能學習和 Xsens 動作捕捉套件提供革命性的動畫技術,改變玩家的動作。新技術可以針對每一位球員進行動作捕捉,並將捕捉結果轉換為遊戲內球員面對各種賽況時,相對可個別做出更寫實比賽動作。此外,EA 專利的智能學習演算法,會從超過 8700萬個畫格的比賽動作捕捉資料中學習,再即時演算出新的動畫,因應球場上各種互動狀況,產生多種栩栩如生的動作。無論射波、傳波、過人或鏟波,HyperMotion 都改變左球員係運球或非持球狀態下的動作。

各位PS5同Xbox Series X /S玩家日後有機會睇到呢個革命性的畫面。不過實際眾多FIFA 足球迷不滿的其實從來都唔係你個人畫面靚唔靚,而係你玩法有無創新吸引之處,代代都一樣甚至變成專門「課金」的FIFA Ultimate Team財力比試加上乏善足陳嘅職業模式, EA可能真係需要攝高枕頭鑽研一下創新!



曾經在2000年代紅極一時嘅美劇《Prison Break》,最近正式確定推出重啟版劇集!保留原作世界觀,但由新角色講述全新故事,唔知可唔可以延續經典呢? 據外媒《Variety》報導,迪士尼旗下串流平台Hulu已獲准 ...
hobby
【影視】經典美劇《Prison Break》確定重啟 相同世界觀但全新角色與故事
21 Oct 2025
迪士尼最新科幻大作《Tron:Ares(創戰紀:戰神降臨)》壞消息不斷,繼開畫成績遜預期、第二周票房暴跌後。最近有分析指,電影製作成本比先前估計嘅1.7億美元更高,計埋宣傳發行等費用,估計迪士尼最終要蝕1.327億美 ...
hobby
【影視】《創戰紀:戰神降臨》票房慘淡 分析指迪士尼料蝕1.32億美元
21 Oct 2025