今朝東京代代木公園上空突然出現一個巨型「人頭氣球」，吸引大量市民停低影相，「搖滾教主」西川貴教更話一起身見到仲以為女巨人來襲。後來得知，原來呢個氣球係東京都政府嘅藝術企畫，目的係宣傳奧運喎...可惜（好彩）嘅係，個氣球懸浮咗幾個鐘就落返地面，不過嚟緊將會突襲式咁出現喺其他地方。

朝起きたら代々木公園に女型の巨人いるんですけど… (;´༎ຶД༎ຶ`)＜こ… 怖い… pic.twitter.com/mFsRpeORF6

— 西川貴教 (@TMR15) July 15, 2021

據了解，東京都政府為宣傳奧運而舉辦藝術文化祭「Tokyo Tokyo FESTIVAL Special 13」，呢個巨型人頭氣球就係活動入面其中一個企劃，名為「正夢（まさゆめ）」。藝術團隊「 目 [mé]」成員荒神明香表示，靈感係源於佢14歲嗰陣夢到人臉好似月亮咁高掛於天空，所以先打算製作巨型氣球。團隊兩年前就開始從世界各地招募「人臉」，最後喺上千位應徵者當中選出呢個帶點憂愁嘅人臉，並且將其命名為「哲學之臉」。

由於今次企劃作品同恐怖漫畫家「伊藤潤二」嘅《人頭氣球》太過相似，唔少網友都表示「真實版人頭氣球」、「致敬伊藤潤二？」。漫畫網站「ソノラマプラス」見到大家反應咁熱烈，都特登推出「3日期間限定」，等讀者可以喺3日內免費收睇《人頭氣球》漫畫，貼文更獲得伊藤潤二本人轉推。

／
「首吊り気球」3日間限定で公開！????
＼

皆さんがこのニュースを見て
「首吊り気球」のようだと言ってくださっているのを見ました????

そこで編集部でも検討し、7/18まで無料公開します！

読んだことない方も、あの恐怖をもう一度味わいたい方もいらっしゃいませ～????????
☞https://t.co/UvVGAPZrdh https://t.co/JTDx6yGjTI

— ソノラマプラス (@sonoramaplus) July 16, 2021

（圖片截至：amazon.jp）