《幪面超人》系列 (又稱「拉打」) 自1971年播出，到今年就迎來50週年紀念，當然就有一系列新搞作。而BANDAI最新推出嘅「拉打哥池」就畀機會各位Fans親手育成由1971年嘅幪面超人一號，到2021年嘅幪面超人 Saber等超過40款「拉打」。

原來今年除咗係拉打50週年紀念，亦係「他媽哥池」25週年紀念，所以兩大童年回憶就聯乘推出「拉打哥池」。實際嘅玩法同「他媽哥池」一樣，大家會由「少年幪面超人」開始育成，透過使出完美「Raider Kick (即風雷電)」、避石頭，以及間中對付雜兵等訓練你隻拉打，然後進化成大家熟知嘅40位拉打主角。值得一提嘅係根據官方圖表，拉打之上係仲有得再進化，但進化做啲咩就話係「秘密」黎。

拉打哥池售價為 2,530Yen (約HK$180)，有綠色機身及金色機身兩款，即日起於BANDAI日本官網接受預訂，預計12月發送。