幾日前中國係奧運女子體操預賽中唐茜靖選用抗日歌曲《九兒》作為背景音樂成功係中國國內受到熱烈支持追捧。中國的網易和搜狐平台都大讚抗日之聲“響徹東京”，“太硬氣”。中國網民歡天喜地網上一片叫好指出“九兒一出來雞皮疙瘩都起來了”、“在日本東京跳《九兒》，唐茜靖了不起”、“我們中國姑娘就是虎”。可惜抗日情懷不敵比賽實際情況，中國女子體操團隊結果係決賽中發揮失誤，只得到歷年女子體操團體賽事最差成績八隊參加決賽中得161.196分排名第柒作結。同場俄羅斯奧運選手隊獲得冠軍，美國隊排名第貳，英國隊排名第叁。中國女子隊雖然跳出抗日情懷，卻不幸賽出柒之戰績，不過唔緊要，我用普通話講中國體操隊「以後好好加油，有機會贏的！」

昨日中國的網易和搜狐平台轉發的網貼盛讚中國體操隊選擇抗日曲九兒做為背景音樂，“響徹東京”，“太硬氣”。當然都有部份較有理智的聲音指出“在東道主地盤上播放反東道主的歌曲，很不道德，且有違奧運精神。”然而係中國國內讚賞聲音大大多於有保留者。有網民稱“不僅要在日本國土奏國歌，還要在賽場放抗日曲”、“目的是抗議日寇在侵略歷史和台海問題上挑釁”。還有網民建議，下次去美國比賽，要放反美音樂“一條大河波浪寬，風吹稻花香兩岸……”可惜，命運同現實往往係殘酷！中國女子體操隊唔知係咪太投入抗日，係決賽中無法發揮全力，結果只能以歷來最差成績白白將過去曾經係中國代表團的王者之師的中國女子體操隊輸出，以第柒作結束。

可能香港人對抗日唔太熱衷唔識，《九兒》乃根據莫言小說改編的電視劇《紅高粱》的片尾曲，講述中國抗日戰爭時期，山東高密縣民間女子九兒的生活和抵抗侵華日軍最終被殺害的故事。本屆奧運會上，中國隊的陣容非常年輕，其中唐茜靖、蘆玉菲、章瑾、歐鈺珊首次參加奧運會。在女子團體資格賽中，中國隊以排名第三進入決賽。可惜決賽中國選手出現一些失誤，最終無緣獎牌。

不過，中國體操女子隊仲可以係單項上爭取更好的成績。全能方面，唐茜靖、蘆玉菲晉級。此外，蘆玉菲、範憶琳進入高低杠決賽，管晨辰、唐茜靖進入平衡木決賽。其中，抗日歌舞新星唐茜靖有望衝擊獎牌甚至金牌。佢曾經係2018年青年奧運會的比賽中摘得平衡木金牌和高低杠銅牌，又曾經係在2019年世錦賽中獲得個人全能亞軍。唔知今次抗日神曲加持下個人賽會唔會可以抗日歌曲加上國歌“響徹東京”。