昨日東京奧運羽毛球女雙小組賽，中國選手陳清晨/賈一凡喺先輸一局情況下，連追兩局擊敗韓國選手金昭映/孔熙容晉級8強。不過就因為陳清晨疑似比賽期間不斷大喊「我操」、「操操操」等眼字而引起熱議，微博網民紛紛表示讚賞，認為咁做係令全世界都聽到「優美的中國話」。雖然得到國民力撐，但陳清晨事後就澄清自己只係發音不準，會調整返發音專注下場比賽，多謝各位支持。

#優美的中國話 #陳清晨 #賈一凡
中國VS韓國 中國隊:陈清晨 贾一凡 滿場"優美語助詞"
嗯....夢幻國度! pic.twitter.com/u9wMZvd4zn

— Sparky Houng (@Sparky_Houng) July 27, 2021

據了解，起初陳清晨抗議韓國選手擊球時叫得太大聲，奈何抗議無效，於是就開始「發聲」反擊，多次喺得分時疑似大叫「操！」、「我操！」、「我去你！」等等字眼。對此，微博網民都非常支持有關行為，認為係韓國選手有錯在先（擊球時大叫），所以陳清晨先「回禮」。有網民就話中國隊咁叫法一啲都唔覺得煩，仲覺得幾可愛同好玩，理直氣壯表示「我就係雙重標準！」相關留言已獲過萬個讚好。

陳清晨賽後亦喺微博澄清，令大家誤會非常唔好意思，自己只係發音唔準，會調整返自己發音，專注下場比賽，多謝各位支持。網民們都好快幫佢解釋「我知道你叫嘅係watch out」，以示支持。

（圖片截自：微博@陈清晨BAOBAO）