近年電競賽車愈嚟愈受歡迎，除咗有幸成為奧運電競項目之外，甚至國際車壇盛事「世界賽車錦標賽（FIA Motorsport Games）」都加入咗電競賽車項目。隨住第二屆賽事即將於10月29至31日喺法國南部Circuit Paul Ricard舉行，Mercedes-Benz全力贊助香港區代表選拔賽，勝出者將會獲得資助並代表香港遠赴法國出戰。選拔賽現已接受報名，在座各位都有機會代表香港出戰，成為世界冠軍！

今次選拔賽由Mercedes-Benz冠名贊助，並由香港汽車會（HKAA）舉辦，以PlayStation賽車遊戲《Gran Turismo Sport》作為比賽平台，開放畀所有年滿16歲、持有香港護照並連續住滿三年或以上嘅香港汽車會電競會員申請，勝出者將獲資助並代表香港出戰！另外首100位報名並完成線上資格賽嘅參賽者，更可獲贈Mercedes-Benz送出嘅AMG帽一頂。

選拔賽主要分為線上資格賽、準決賽以總決賽三個階段進行，喺線上資格賽階段，參賽者將會使用Mercedes-AMG GT3 （2016），於遊戲內嘅西班牙加泰隆尼亞賽道（Circuit de Barcelona-Catalunya）進行計時賽一決高下。報名及比賽詳情可以到香港汽車會（HKAA）官網了解更多。