我地經過抗疫大戰已經知道日本人咩都用「傳真機」，但外國人並唔知道日本對傳真的愛慕。近日日本NHK電視台搞左壇加油企劃，收集民眾搞稿為參與奧運的選手打氣加油。NHK的投稿渠道引發外國人熱傳關注，傳真選項成為Twitter熱話，日本讓外國世界睇到獨特性，原來2021年仲有國家常用傳真機！不過外國人震驚之餘並無出動網軍討伐，其實日本人畫漫畫咁叻，親筆寫信畫畫再傳真絕對比用emoji加注的電子郵件親切溫馨，你問我我係撐傳真機同家居電話！你仲有無保留家居電話號碼先？

其實「傳真機」都唔錯呀！東京奧運期間，電視台除左跟進直播同比賽結果，都有好多打氣加油活動。話說NHK提供的加油投稿渠道，被人放上外國Twitter後，係海外引發話題，原來好多外國人都唔知道，日本到今時今日依然常用傳真機！

即使係強如巨星新垣結衣同星野源結婚的公佈，佢地最初都仲係以傳真機手稿發出！好多外國人都以為傳真機是80年代的通訊方式，以為現今世代已經轉哂用手機同Email去收集訊息！正所謂家家有本難念的經(We all have a cross to bear)，日本好多中老年人都唔知幾咁鐘意用傳真。傳真機先可以隨手畫個手繪心心簽埋大名發送畀奧運選手們，下下靠emoji太單一。唔知香港人仲有幾多人有傳真機？咪住先，要有家居電話線，先至可以有傳真號收發送傳真，大家還有家居電話嗎？(唔好同我講話用"網上e傳真"（eFAX）)