唔同嘅季節，就有唔同嘅胃口，特別係香港嘅夏天炎熱指數爆燈，真係隨時咩胃口都無。因此針對性嘅餐單可能可以引發起你嘅食慾，就好似隱日本料理Kakure特別推出嘅期間限定 「 夏季晚餐」，以日本夏日時令食材入饌，而適逢KAKURE 2周年紀念更享有超抵優惠！

「隠日本料理」名字靈感來自其地理位置，地點座落於太子大廈夾層內隱秘角落，若隱若現讓食客發掘當中滋味。餐廳主打正宗日本江戶前風格壽司及刺身、嚴選飛驒牛入饌鐵板燒及其他和食料理，當中使用嘅活海鮮每日都會從日本豐洲新鮮直送到港，絕對係體驗至鮮嘅平台。

而今次「夏季晚餐」包含8道夏季限定菜式，首先以3款季節限定前菜及新鮮豐腴刺身開序幕；然後用上日本夏天最肥美嘅鮎魚，以傳統日式干物形式薰製，令其肉質甘香軟嫩，配上獨家秘製清新爽甜西瓜漬物 ，平衡油膩感。

承接有鐵板燒新鮮原隻日本產黑鮑魚，口感爽口彈牙。然後品嚐日式蒸鱸魚配上一反傳統嘅乾味噌，料理長以最簡單嘅手法，帶出「海王子」鱸魚嘅極上旨味。

主角方面，料理長以頂級A5黑毛和牛包裹濃郁軟滑嘅鰻魚，口感細膩，層次分明；灒上甘香濃厚北海道海膽鰻魚醬 ，難以形容嘅香氣久久留喺口中，絕對係一試難忘。

最後以冷素麵沾上秘製粉紅梅子汁及乾魚子醬，再以日本柚子製成嘅清幽果凍甜品作結。

炎熱嘅夏天? So What!!

由即日起到 2021 年 8 月 3 1 日 , 逢星期日至四到隱日本料理享用所有晚市套餐[包括:夏季晚餐($1980)、鐵板套餐($1680)、壽司Omakase廚師發辦($1580/$2080)],均可享第二個半價優惠