當講起《哈爾移動城堡》，大家會諗起啲咩呢？係熟悉嘅主題曲，定係被女巫詛咒變成90歲婆婆嘅蘇菲？而我印象深刻嘅就係入面個座有腳，又識得飛嘅巨體機械城堡。最近美國一位模型迷Studson，就利用膠樽、雪條棍、樽蓋、扭蛋殼等「垃圾」，再加上黏土神還原劇中城堡，甚至整得比現成雕像更精美，真係創作力量同幻想會嚇你一跳。

據Studson介紹，模型高53.3cm，重1.9kg，主要由各種生活垃圾組成。而且為咗追求還原度，佢仲好細心咁對每個組件噴上金屬油漆，同時亦不忘進行舊化處理，可以見到連鏽漬同青苔都充分還原。見住佢從幾個膠樽慢慢整到變超靚模型，彷彿見到奇蹟誕生一樣！

Studson亦係個人YouTube Channel貼出長達52分鐘嘅製作影片，有興趣嘅朋友可以參考一下。