由奧斯卡最佳導演趙婷執導，備受全球影迷期待嘅《永恆族（Eternals）》於今日公開最新預告片！除咗展示出「永恆族」強大能力之外，宿敵「變異族」亦首度現身，故事時間設定喺《Avengers: Endgame》之後，並交代「永恆族」當時點解唔幫手對抗Thanos，預計今年11月上映。

比起上次前導預告，今次所透露嘅信息非常之多，一開波就表示「永恆族」遵從「天神組（Celestials）」指示，喺7,000年嚟到地球保護人類免受「變異族」侵害，但由於Thanos「啪手指」同「變異族」無關，所以佢哋當時冇出現。之但係，Thanos啪手指令宇宙一半生物消失，其後Avengers又啪手指救返晒返嚟，咁樣死完又翻生所產生嘅能量令到宇宙發生改變，從而促使「變異族」以及其他勢力崛起。

「天神組（Celestials）」係Marvel漫畫入面嘅神祇種族，同時係變種人、永恆族、異變族誕生嘅關鍵角色。