唔知各位男士平時鍾意著邊種底褲呢？係充滿安全感包到實一實嘅三角褲、通爽「條條Fing（吊吊揈）」嘅孖煙通，定抑或係介乎兩間之間嘅Boxers？最近外國公司《Boxerkilt》就為各位提供第四種選擇，設計出全球首款無囊袋Boxers，令「巨龍」可以享受無拘無束嘅感覺。

（圖片截自：boxerkilt.com）

眾所周知，睾丸嘅「工作溫度」低過體溫，所以袋袋先會生喺體外幫助散熱，如果底褲太緊嘅話，除咗令私處升溫影響精子活力，更可能會焗到有皮膚病。有見及此，外國公司《Boxerkilt》就設計出一款比孖煙通更通爽嘅男士內褲，簡單嚟講就係將傳統Boxers開個窿，再喺外層加塊布防止磨擦，確保空氣流通幫助散熱。

目前呢條底底仲係眾籌階段，價格尚未公布，唔知各位男士對呢個設計有冇興趣呢？