{ SKIP }
文:MenClub 摯樂  圖:互聯網
POSTED ON 27 Aug 2021
【呢個掂】日本新創意自動販賣機出售罐裝新鮮鬆軟蛋糕引發搶購潮日日半小時撳爆機 

又係講日本人創意的時候,去過日本都知當地處處都有自動販賣機,入面裝住一罐罐飲料,有蛋糕店就發揮創意,將戚風蛋糕裝入汽水罐等身罐中再配上易拉環。就咁就簡單解決蛋糕搬運同保存的問題,而且大家都可以每日新鮮去自動販賣機買美味罐裝蛋糕,大阪西點專賣店リゾッテリア ガク(Risotteria.GAKU)推出之後大受注目,每日限量45個分配到唔同自動販賣機日日半小時內被秒殺清貨,如果可以加大生產量保持到蛋糕水準我深信運過來香港一樣會被秒殺,最怕香港或中國商人抄橋推出難食版罐裝蛋糕!咪住罐裝蛋糕其實係咪即罐頭?


全球包括日本係疫情下網上訂購送貨到府上宅配美食市場大旺,不過就唔係樣樣貨都可以輕鬆運送,例如蛋糕同雪糕送貨上門就好可能比較尷尬!蛋糕在一種非常之難以安全送運嘅食物,大阪就有蛋糕專門店利用創意解決問題, 將整個蛋糕放入裝咗易拉環嘅鋁罐當中, 令蛋糕同汽水容積一樣大細,如此一來就同時解決左搬運同保存兩大問題!除了送貨服務之外,呢家餅店同時攻陷自動販賣機,通過附近地區自動販賣機,先以每日限量45個初期供應量,成功造成搶購潮, 日日半小時內輕鬆秒殺全賣清罐頭蛋糕! 


呢個系列商品稱為ふわ缶(FUWA CAN),係一種戚風蛋糕由西點專賣店リゾッテリア ガク(Risotteria.GAKU)推出,每一罐都由糕點師傅純人手工製作。 店家係由於受到疫情嚴重打擊,店舖堂食冇曬生意, 無計可施之下爆發小宇宙 於是推出呢一種兼具方便搬運及方便保存新方法,成功搶佔商機,相信呢條橋成功日後必定有人仿效,肯定大家將來有更多機會食到 唔同類型嘅罐裝食物,不過係唔係罐罐都咁好味,就真係不敢呵求!報返呢個罐裝戚風蛋糕每罐售價900日圓!有柑橘、藍莓、草莓、大黃、哈密瓜等口味,不同口味依照季節時令而定!據報道指蛋糕雖然塞入罐裡面,依然不失新鮮鬆軟的口感! 一啖一啖用匙羹潷出嚟食,最適合係公司作飯後甜品!細細一罐就可以食出高級甜品感覺!睇圖都想試食!


香港有無公司即時得到靈感仿效,先旨聲明唔好食嘅就唔使整出嚟啦! 

巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025
據《Bloomberg》記者Mark Gurman爆料,Apple正考慮為即將發布嘅iPhone 17 Air推出一款全新手機殼,設計類似iPhone 4時期嘅bumper case。呢款手機殼只會包住機身邊框,旨在提供基本保護嘅同時,唔會太影響手機嘅輕薄 ...
hobby
【科技】Apple正考慮為iPhone 17 Air推出邊框手機殼 類似iPhone 4的bumper case
25 Aug 2025