雖然C朗拿度宣佈離開祖雲達斯重返曼聯，但都無礙祖記繼續作為世界最佳嘅球隊之一，而其實香港亦有唔少祖記球迷，相信黎緊設於時代廣場嘅祖記展覽你一定要去睇！

今年，祖雲達斯體驗獨家登陸香港時代廣場，球會將位於意大利都靈嘅祖雲達斯博物館（J Museum）入面嘅珍貴收藏品空運到港，其中當然包括一系列獎盃，因此呢個將會係祖記球會史上最大型嘅海外獎杯展覽。

另外，祖記今次亦會將球會主場都靈安聯大球場入面嘅祖記更衣室100%複製重現喺時代廣場，令你唔使親身飛到意大利，都可以完美感受到祖雲達斯球場嘅氣息！

仲有仲有，今次展覽仲會為球迷提供祖雲達斯珍藏版「勝利時刻紀念卡」，到時留意究竟點樣換領啦！

日期：9月6日至10月24日

地點：時代廣場中庭