紋身如果你仲覺得係壞嘅表現，Sorry咁你就Out啦。如今嘅紋身已經係唔少人生活嘅一部份，因此香港嘅本地紋身師數字上升左唔少，風格各有不同，百花齊放。

而為左進一步向大眾推廣紋身藝術，延伸自「香港中國國際紋身展」，香港飛騰刺青Freedom Tattoo HK將主辦「Hong Kong Tattoo Show 2021 香港紋身綉」。

活動現場紋身師會提供即場紋身服務，務求提供一個平台讓本地紋身師能夠互相喺技術上進行交流。而去到紋身綉最後一日，大會更會舉辦紋身比賽，比一眾紋身師及在場人士透過比賽，對不同風格嘅紋身美學技巧有更多認識。

目前紋身綉門票已經於網上公開發售（網址︰https://www.hktattooshow.com/show-info），網上購票嘅朋友將有機會獲得免費紋身嘅機會（名額20個）。

Hong Kong Tattoo Show 2021 香港紋身綉

日期: 9月24-26日

地點: 尖沙咀K11 ART MALL