3年前MenClub曾經訪問一門叫做馬來武術嘅功夫，負責人Evan當時為我地介紹佢地呢種武術，主要提到佢地係以武器為主，各種奇型怪裝嘅武器，好似菲律賓魔杖、虎爪刀等都得心應手。

對於呢種比較偏門嘅功夫，相信香港人可能較少接觸，不過黎緊可能會越黎越多人認識，因為喺最新嘅Marvel電影《尚氣與十環幫傳奇》入面，主角尚氣就係一位集多項武術於一身嘅超級英雄，而Marvel為此特別找來Evan為主角加入馬來武術嘅功夫底子。

今次Evan係香港本地唯一一位獲邀加入拍攝《尚氣》嘅香港本地武術家，佢特別被安排到澳洲當地擔任電影其中一位武術顧問、動作創作以及特技人工作等，佢亦透露中間唔少打鬥場面都會不斷打再不斷修改，務求將最精彩嘅境頭呈現比觀眾。

黎緊有興趣入戲院睇嘅朋友，就要特別留意一啲近距離嘅武器戰，話唔定就係黎自馬來武術架啦，到時記得偷師番一兩招啦！