威士忌愛好者相信對Johnnie Walker並唔陌生，但係真正投入去體驗其歷史、來源、味道你又想唔想試下? 今年9月6日於蘇格蘭首都愛丁堡巿中心落成嘅Johnnie Walker Princes Street旗艦體驗館正式開幕，等疫情過去之後將為你帶來最好嘅體驗機會。

呢個Johnnie Walker旗艦體驗館，樓高8層，佔地71,500呎，進入後你將有以下體驗：

1. 參與Johnnie Walker味蕾探索之旅嘅訪客可享有專屬特調飲品，將根據訪客個人口味，調製出最適合的飲品。

2. 使用創新調酒系統，提供超過800種口味組合，同一位顧客每日到訪超過兩年，亦都唔會得到相同嘅體驗。

3. 超過150名員工，將以23種不同語言為你講述Johnnie Walker 200年黎嘅故事。

4. 其酒窖係一個威士忌寶庫，酒窖內藏有世界上一些最獨特嘅桶裝威士忌，並正在慢慢熟成等待你去品嚐。

5. 體驗館前身係一家擁有近100年歷史嘅百貨公司，現轉化成最先進嘅體驗式零售空間，顧客可以選購到最獨特及專屬嘅威士忌，並從酒桶直接提取到酒瓶，再於瓶身上進行雕刻。

6. 以綠色旅遊金獎揭幕 —— 亦即係可持續發展旅遊景點嘅最高榮譽。呢座建築嘅屋頂露台栽種左可用作飲品裝飾或素材嘅植物，另設有綠化區及鳥窩，促進生物多樣性。 

7. 擁有兩個世界頂級嘅屋頂酒吧受一個可以觀賞愛丁堡天際線美景嘅露台。其中Explorers' Bothy 威士忌酒吧提供150種不同嘅威士忌，而1820雞尾酒酒吧則提供可以搭配飲品嘅特別設計餐單，每道佳餚嘅食材採購及靈感均來自蘇格蘭四個角落，並以精緻嘅料理方式呈現。

Johnnie Walker Princes Street旗艦體驗館，據聞經過四年半時間籌備，係一項價值1.85億英鎊於蘇格蘭投資嘅威士忌旅遊業核心項目，亦都係蘇格蘭威士忌旅遊業有史以黎規模最大嘅單一投資項目。

Johnnie Walker Princes Street

地址：Princes Street, 145 Princes St, Edinburgh EH2 4BL