任天堂網上發佈會「Nintendo Direct 2021.9.24」今朝同時公開動畫電影《Super Mario》配音的強大陣容包括由「星爵」Chris Pratt負責配Mario角色，《悍戰太平洋》Charlie Day配綠色Luigi，成日被捉的公主由《后翼棄兵》Anya Taylor-Joy配音，大反派龍王就由《阿sir嚟自樂人谷》Jack Black擔任配音！電影正式上映要等到2022年12 月 21 日聖誕檔期，唔知大家會唔會期待呢套動畫大作？

消息由負責網上發佈會「Nintendo Direct 2021.9.24」的任天堂大人物宮本茂公佈，對任天堂及Super Mario迷來講絕對係一個大喜訊。雖然對於電影《Super Mario》暫時公開認息唔多，只知大概配音陣容，相信未來會有更多相關訊息披露。此外遊戲中Mario角色御用招牌配音聲優 Charles Martinet 都會應邀參與電影配音當中，但擔當角色暫時未公開。

總之《超級瑪利歐》動畫電影預計 2022 年底推出。任天堂個「朵」絕對無可能弱過世嘉超音鼠吧！